“សង្ក្រាន្តភ្នំរាប”លើកទី១ ស្វាមគន៍បងប្អូនមកលេងកម្សាន្តរយៈពេល៣ថ្ងៃក្នុងឱកាសចូលឆ្នាំថ្មីនេះ

0
2829

ក្នុង​ឱកាសបុណ្យចូលឆ្នាំថ្មីប្រពៃណីខ្មែរខិតជិតមកដល់ខាងមុខនេះ រមណីយដ្ឋានទេសចរណ៏ភ្នំរាប​ ដែលមានទីតាំងស្ថិតនៅ​ សង្កាត់ពន្សាំង ខណ្ឌព្រែកព្នៅ​ រាជធានីភ្នំពេញ នឹងរៀបចំសង្ក្រានឆ្នាំថ្មីរយៈពេល៣ថ្ងៃពេញជាលើកដំបូងចាប់ពីថ្ងៃទី ១៤ ដល់ ១៦ មេសា ឆ្នាំ ២០១៨។

តាមសេចក្តីប្រកាសព័ត៌មានរបស់​អភិបាល នៃគណៈអភិបាលខណ្ខព្រែកព្នៅ​ស្តីពីការរៀបចំ​ “​​សង្រ្កាន្តភ្នំរាប“​ បានបញ្ជក់ថា៖ កម្មវិធីសង្ក្រាន្តនេះនឹងមានរៀបចំកម្មវិធីពិសេសៗច្រើនរួមមាន ពិធីទទួលទេវតាឆ្នាំថ្មី ពិធីស្រង់ព្រះ លេងល្បែងប្រជាប្រិយ(បោះអង្គុញ ចោលឈូង ​ទាញព្រ័ត​ជាដើម។

Image may contain: 1 person, standing, sky, outdoor and nature

ជាងនេះទៅទៀត ក៏មានរបាំប្រជាប្រិយ របាំប្រពៃណី(រាំវង់ រាំក្បាច់ ឡាំលាវ កន្រ្ដឹម…..។)​ មានការតុងតែងដាក់បង្ហាញអំពីកសិកម្ម​ តាំងបង្ហាញសម្ភារះខ្មែរដូចជា តម្បាញហូល​ ផាមួល ស្បែក ក្រមា និងផលិតផលនំ និងបង្អែមខ្មែរជាច្រើនទៀត។

សូមកុំភ្លេចចូលរួមទៅលេងកម្សាន្តឲ្យបានច្រើនកុះករ ក្នុងឱកាសឆ្នាំថ្មីខាងមុខនេះ។ Cambotripnews ក៏សូមជូនពរ គ្រប់ការធ្វើដំណើរកម្សាន្តរបស់បងប្អូនជួបប្រទះតែសេចក្តីសុខ សុវត្ថិភាពផងដែរ៕

 

អត្ថបទដោយ៖ Cambotripnews