ប្រាសាទព្រៃដើមស្រុកដង្ហើយរកអ្នកជួយការពារ និងអភិរក្ស

0
2068

ខេត្តព្រៃវែង៖ នៅក្នុង​ទឹកដី​នៃ​ខេត្តព្រៃវែង​ គឺមាន​ប្រា​ង​ប្រាសាទ​មួយកន្លែង ​គឺទួលប្រាសាទ​ព្រៃ​ដើម​ស្រុក ​ជាទី​កន្លែង​ស័​ក្កិ​សិទ្ធិ​ដែល​ពលរដ្ឋ​គ្រប់​ជំនាន់​តាំងពី​បុ​រា​ណ្យ​ជាង១០០០ឆ្នាំមុន ​រហូតមកដល់​បច្ចុប្បន្ននេះ​ នៅតែ​ជាក​ទី​ន្លែ​ង​សំរាប់​គោរពបូជា​ និង​បួងសួង​សូម​សេចក្ដីសុខ​គ្រប់ៗគ្នា ​តែ​ក្រសួង​នឹង​មន្ទី​វប្បធម៌​នឹង​វិចិត្រសិល្បៈ​ខេត្តព្រៃវែង​មើល​រម្លង។ ប្រាសាទព្រៃ​ដើម​ស្រុក​នេះ ​មាន​ទីតាំង​ស្ថិតនៅ​ខាងលិច​ភូមិ​បឹង​ជ័រ​ ឃុំ​ព្រៃ​ទឹង ស្រុក​ស៊ីធរ​កណ្ដាល​ខេត្តព្រៃវែង។ ប្រាសាទព្រៃ​ដើម​ស្រុក​នេះ ​គឺ​ប្រជាពលរដ្ឋ​ភាគ​ច្រើ​ន​មិន​ស្គាល់​ តែ​ទោះបីជា​ប្រាសាទ​ដែល​គេ​ពុំ​សូវ​ស្គាល់​ និង​ល្បីឈ្មោះ​ក៏ពិតមែន​ តែ​ជា​កន្លែង​កំសាន្ត​និង​ជាទី​សក្ការៈ​គោរពបូជា ​ដ៏​ស័​ក្កិ​សិទ្ធិ​ផងដែរ។

បើ​តាម​ការរៀបរាប់រ​បស់​លោកតា​ម្នាក់ ជា​ចាស់ព្រឹទ្ធាចារ្យ​នៅក្នុង​ភូមិ និង​ជា​មន្ត្រី​ជាប់​កិច្ចសន្យា​របស់​មន្ទី​រ​វប្បធម៌​និង​វិចិត្រសិល្បៈ​ខេត្ត ដែល​មាន​តួនាទី​នៅចាំ​ថែទាំ និង​ការពារ​ប្រាសាទព្រៃ​ដើម​ស្រុក​នេះ​ផង​បាន​អោយដឹងថា ដោយសារ​តែ​កត្តា​ពេលវេលា អាកាសធាតុ និង​កត្តា​ធម្មជាតិ​ដែល​មាន​ដើម​ពោធ៌ដ៏​ធំ​មួយ ដុះ​សង្កត់​និង​ចាក់​ឬ​ស​ស្រោប​តួ​ប្រាសាទ​ទាំងមូល​ផង​នោះ បានធ្វើអោយ​តួ​ប្រាសាទ​មាន​សភាព​ទ្រុឌទ្រោម​យ៉ាងខ្លាំង ហើយ​ពុំ​សូវ​មាន​អ្នក​ស្គាល់​នោះទេ ដោយសារ​តែ​ទីតាំង​ភូមិសាស្ត្រ​នៅ​ឆ្ងាយ​ដាច់​ពី​គេ ហើយ​ផ្លូវ​ចូល​ក៏​ពិបាក​ថែមទៀត​។

​បច្ចុប្បន្ន​”​ប្រាសាទព្រៃ​ដើម​ស្រុក​”​កំពុង​ក្លាយទៅជា​កន្លែង​ស័ក្តិសិទ្ធិ​សម្រាប់​អ្នកមាន​ជំនឿ​ក្នុងការ​បន់ស្រន់​សុំ​ក្ដី​សុខ​រកស៊ី​មានបាន​និង​ជា​កន្លែង​ដែលមាន​ទេសភាព​ស្ងប់ស្ងាត់​គ្របដណ្ដប់​ដោយ​ដើមឈើ​មាន​ម្លប់​ត្រឈឹងត្រឈៃ​គួរ​ជាទី​ចាប់អារម្មណ៍​សម្រាប់​ភ្ញៀវ​ជាតិ​និង​អន្តរជាតិ​មក​ទស្សនា​កម្សាន្ត​៕