តំបន់​ជ្រោយចង្វាតិចទៀតលែងស្ទះ ដូចរាល់ថ្ងៃហើយ

0
1114

ភ្នំពេញ៖ គិតត្រឹមថ្ងៃទី២១ ខែកុម្ភៈ ឆ្នាំ២០១៨ ការដ្ឋានស្ពានបេឡេឫស្សីកែវ សម្រេចបាន ៦០% ហើយ។ នេះ​បើ​តាម​សេចក្ដី​ជូន​ដំណឹង​របស់​មន្ទីរ​សាធារណការ និងដឹកជញ្ជូន​រាជធានី​ភ្នំពេញ។

រូបភាព៖ មន្ទីរសាធារណការ

តាម​ប្រភព​ដដែល​បញ្ជាក់​ថា ការដ្ឋាន​សាងសង់​កំពុង​ស្ទូច​ដំឡើង​គ្រោង​ដែក​តួ​ស្ពាន និង​កម្រាល​ស្ពាន​ឆ្លង​កាត់​ទន្លេ​សាប។ ក្នុង​នោះ​ក្រសួង​ក៏​បាន​សំណូមពរ​ដល់ ម្ចាស់​ជល​យានយន្ត​ដែល​ធ្វើ​ដំណើរ​ឆ្លង​កាត់​ទីតាំង​ការដ្ឋាន​ សូម​បើកបរ​ជល​យានយន្ត​បន្ថយ​ល្បឿន​ឲ្យ​បាន​យឺត​បំផុត ដើម្បី​កាត់​បន្ថយ​ទឹក​រលក និង​យក​ចិត្ត​ទុក​ដាក់​ខ្ពស់​ពី​សុវត្ថិភាព​ការដ្ឋាន។

សូម​ជម្រាប​ថា​ស្ពាន​នេះ​ ​មាន​ប្រវែង​ ៥០៦ ម៉ែត្រ​ ទទឹង​ ១២ម៉ែត្រ​ ​ភ្ជាប់​ពី​ខណ្ឌ​ឫស្សីកែវ​ និង​ខណ្ឌ​ជ្រោយចង្វារ​ សម្រាប់​ជួយ​សម្រួល​ចរាចរណ៍​ដែល​កំពុង​កកស្ទះ​នៅស្ពាន​ជ្រោយ​ចង្វា៕

រូបភាព៖ មន្ទីរសាធារណការ
រូបភាព៖ មន្ទីរសាធារណការ