ប្រាសាទបុរាណ​មួយកន្លែង​ទៀតហើយដែល​​ទើបនឹង​រកឃើញ​ថ្មី​ក្នុង​ខេត្តស្ទឹងត្រែង​

0
965

ខេត្តស្ទឹងត្រែង​៖​ ប្រាសាទបុរាណ​មួយកន្លែង​ដែល​គេ​បោះបង់ចោល​រាប់រយឆ្នាំ​ទើបនឹង​រកឃើញ​ថ្មី​ក្នុង​ខេត្តស្ទឹងត្រែង​។​ប៉ុន្តែ​មន្ទីរជំនាញ​វប្បធម៌​និង​វិចិត្រសិល្បៈ​ខេត្ត​គ្រោង​ដាក់​ប​ញ្ជូ​ល​កំណត់ត្រា​បញ្ជូនទៅ​ក្រសួង​ដើម្បី​អភិរក្ស​ជា​សម្បត្តិរ​ប្ប​ធម៌​ជាតិ​។​

​ទាក់ទង​ទៅនឹង​ការ​អភិ​ក្ស​ប្រាសាទបុរាណ​ខាងលើនេះ​លោក​ថោង​ស្រា​ន់​អភិបាលស្រុក​សៀម​បូក​បាន​ប្រាប់​អ្នកសារព័ត៌មាន​ថា​កាលពី​កន្លងទៅ​លោក​និង​មន្ត្រី​បាន​ចុះ​មូលដ្ឋាន​ដើម្បី​សួរសុខទុក្ខ​ប្រជាពលរដ្ឋ​នៅតាម​ភូមិ​ដាច់ស្រយាល​។​

ពេល​ចុះទៅ​កាន់​ភូមិ​ដាច់ស្រយាល ក្នុងព្រៃ​ត្រើយ​ខាងលិច ដង​ទន្លេមេគង្គ​ត្រង់ចំណុច​អូរ​ក្រាក់​ស្ថិតនៅ​ភូមិ​អូរ​ឡង់ ឃុំ​សៀម​បូក ស្រុក​សៀម​បូក ខេត្តស្ទឹងត្រែង​ជាប់​នឹង​ស្រុក​សម្បូរ​ខេត្តក្រចេះ​។​អ្នកភូមិ​បាន​ប្រាប់​យើង​ថា​មាន​ប្រាសាទបុរាណ​មួយ​កប់​នៅក្នុង​ដី​ព័ទ្ធ​ទៅដោយ​ព្រៃព្រឹក្សា​គ្មាន​ការថែទាំ​រាប់រយឆ្នាំ​មកហើយ​។​ពេល​ក្រុមការងារ​ចុះទៅ​មើល​ក៏​ឃើញ​បំណែក​និង​ផ្ទាំង​ថ្ម​ប្រាសាទ​មួយចំនួន​ក្រោយពី​ជនខិលខូច​គាស់កកាយ​រក​កំណប់​។​

បន្ទាប់មក លោក ក៏បាន​រាយការណ៍​ទៅ​មន្ទីរជំនាញ​វប្បធម៌​និង​វិចិត្រសិល្បៈ​ខេត្ត​ចុះទៅ​អភិរក្ស​ប្រាសាទ​ដែល​ទើបនឹង​រកឃើញ​ថ្មី​នោះ​។​លោក​អភិបាលស្រុក​សៀម​បូក បាន​និយាយទៀតថា នៅពេល​ថ្មីៗ​នេះ​លោក​នឹង​មន្ទីរជំនាញ បាន​ចុះទៅ​ម្តងទៀត ដើម្បី​កំណត់​ទីតាំង​ព្រំប្រទល់​អភិរក្ស​ប្រាសាទ​កំណប់​បង្កើត​ទៅជា​ទិសដៅ​តំបន់​ទេសចរណ៍​។​

​លោក ថោង ស្រា​ន់​បាន​និយាយថា​ទំហំ​ផ្ទៃដី​ចំនួន​៤០០​ហិកតា ជុំវិញ​ត្រូវ​បានកំណត់​ព្រំ​អភិរក្ស​ទួលប្រាសាទ​កំណប់​នៅ​ទីនោះ ដើម្បី​រក្សាទុក មិនឱ្យ​មាន​អ្នក​ទៅ​ព័ទ្ធ​យក​ជា​កម្មសិទ្ធិ​ទីនោះ​ឡើយ​។​ការអភិរក្ស​តំបន់​ប្រាសាទបុរាណ មួយ​នេះ​គឺ​ដើម្បី​រក្សា​កេរ្តិ៍មរតក​ដូនតា ទុកឱ្យ​កូនចៅ​ខ្មែរ​ជំនាន់​ក្រោយ បាន​ស្គាល់​។​ម្យ៉ាងទៀត ទំហំ​ផ្ទៃដី​៤០០​ហិកតា​នេះ ក៏​អាច​រក្សាបាន​នូវ​ធនធានធម្មជាតិ​មួយផ្នែក​ផងដែរ​។​

ប្រជាពលរដ្ឋ​រស់នៅក្នុង​ភូមិ​បាន​អបអរសាទរ​ចំពោះ​អាជ្ញាធរ​នឹង​មន្ទីរជំនាញ​ដែល​បាន​អភិរក្ស​ប្រាសាទ​កំណប់​មួយ​នោះ​។​ហើយក៏​សង្ឃឹមថា​នឹងមាន​មនុស្ស​ជាច្រើន​បាន​ស្គា​ល់ពី​ប្រាសាទ​ដែល​រកឃើញ​នៅ​ក្នុងព្រៃ​ដាច់ស្រយាល​ក្រោយពី​មានការ​រៀបចំ​ទៅជា​តំបន់​ទេសចរណ៍​ឡើង​។​
លោកស្រី ញ៉ោ​ច សាវឿន ប្រធាន​មន្ទីរ​វប្បធម៌​និង​វិចិត្រសិល្បៈ​ស្តីទី​ខេត្តស្ទឹងត្រែង​បាន​និ​យា​ថា លោកស្រី​គាំទ្រ ចំពោះ​ការអភិរក្ស​ប្រាសាទបុរាណ​មួយ​នេះ​។​បន្ទាប់មក នឹងធ្វើ​កំណត់ត្រា​ដាក់​ប​ញ្ជូ​ល ទៅក្នុង​បញ្ជី​បញ្ជូនទៅ​ក្រសួង​វប្បធម៌​និង​វិចិត្រសិល្បៈ ដើម្បី​ដាក់​ប្រាសាទ​កំណប់ ដែល​ទើបនឹង​រកឃើញ​ថ្មី​នេះ​ទៅជា​សម្បត្តិ​វប្បធម៌​ដែល​ខេត្តស្ទឹងត្រែង​មាន​មួយ​បន្ថែមទៀត​។​
​គួរ​បញ្ជាក់ថា​ខេត្តស្ទឹងត្រែង​មាន​ប្រាសាទ​ចំនួន​៧​កន្លែង​រួចទៅហើយ​ដែល​ត្រូវ​បានដាក់​ប​ញ្ជូ​ល​ទៅក្នុង​បញ្ជី​កំណត់ត្រា​របស់​ក្រសួង​វប្បធម៌​និង​វិចិត្រសិល្បៈ​៕ ប្រភព : រស្មីកម្ពុជា