កម្ពុជាគ្រោងនាំចេញផ្លែស្វាយឱ្យបាន២០ម៉ឺនតោនក្នុងមួយឆ្នាំ​​ទៅចិន ក្នុងរយៈពេល៥ឆ្នាំទៀត!

0
798

លោកឧកញ៉ាម៉ុង  ឫទ្ធី ជាសេដ្ឋីកសិកម្មស្រុកខ្មែរយើង មានផែនការនាំស្វាយកម្ពុជាទៅទីផ្សារអ៊ឺរ៉ុប និងបណ្តាប្រទេសមួយចំនួនទៀតយ៉ាងសកម្មរយៈពេលប៉ុន្មានឆ្នាំចុងក្រោយនេះ បានធ្វើឱ្យទីផ្សារស្វាយកែវរមៀតក្នុងស្រុកមានទីផ្សារកាន់តែធំជាងមុន។ តែនៅពេលថ្មីៗនេះ ខាងភាគីចិនបានដាក់ផែនការនាំផ្លែស្វាយឱ្យបាន២០ម៉ឺនតោនក្នុងមួយឆ្នាំពីប្រទេសកម្ពុជាយើង ក្នុងរយៈពេល៥ឆ្នាំទៀត តែចំពោះលោកឧកញ៉ា ហាក់គ្មានសង្ឃឹមថា នឹងអាចមានផ្លែស្វាយនាំបានគ្រប់ចំនួនរៀងរាល់ឆ្នាំនោះទេ។

លោកឧកញ៉ាម៉ុង ឫទ្ធី មានប្រសាសន៍ថា «ដើម្បី​បកស្រាយ​ចម្ងល់​ដែល​ប្រិយមិត្ត​Facebookយើងសួខ្ញុំ​ថាតើនៅក្នុង​ប្រទេស​យើង​ មានផ្លែស្វាយដល់​ចំនួន​ហាសិបម៉ឺនតោន​ជារាងរាល់ឆ្នាំ​ដែឬអត់ទេ»​?

លោកឧកញ៉ាបានឆ្លើយតបថា សម្រាប់ចម្លើយដែល​ខ្ញុំ​បាន​អនុវត្ត​ដោយ​ផ្ទាល់​ដូចតទៅ​ អស់រយៈពេល​ជាង ៣ឆ្នាំកន្លង​មក ​បាននាំ​ផ្លែស្វាយ​ចេញ​ទៅប្រទេស​ចិនដោយដឹកតាម​ផ្លូវគោក​ ចម្ងាយ​ជាង​២៤០០​គីឡូ​ម៉ែត្រ​ ឆ្លងកាត់​និងយក​អាជ្ញា​បណ្ណ​វៀតណាម​ ចាប់ពី​ឆ្នាំ​២០១៦-២០១៧។

សម្រាប់ឆ្នាំ២០១៨នេះ ​លោកឧកញ៉ា ​បាននាំ​ចេញ​ដោយ​ផ្ទាល់​ទៅ​សហគមន៍​អឺរ៉ុប​ និង​ប្រទេស​រុស្ស៊ី ហើយលលោកឧកញ៉ា​សុំលើកយកតែ​ផែនការ​នាំចេញ​ សម្រាប់​ឆ្នាំ​​២០១៨-២០១៩​ និង​អនុវត្ត​បានមកជំរាបជូនតែ​ប៉ុណ្ណោះ​។

ជាលទ្ធផល ផែនការ​នាំចេញ​ទៅ​លក់​នៅ​សហគមន៍​អឺរ៉ុប​មាន​ចំនួន​ ២៥០តោន​ ទៅប្រទេស​រុស្ស៊ី​ចំនួន​២៥តោន​ យើងបានចាប់​ផ្តើម​នាំចេញ​ក្នុង​ខែ​វិច្ឆិកា​ឆ្នាំ​២០១៧រហូត​ដល់​ថ្ងៃ​ទី​២៦ ខែមេសា​ ឆ្នាំ​២០១៨ទៅ​សហគមន៍​អឺរ៉ុប​បាន​ចំនួន​ ១៧១តោន​ និង​ប្រទេស​រុស្ស៊ី​បាន​តែ​ចំនួន​ ១៥តោន​ប៉ុណ្ណោះ។

លោកឧកញ៉ាបានបញ្ជាក់ថា​ «ខ្ញុំ​មិនមា​ន​សង្ឃឹម​ថា​និង​អាចមាន​ផ្លែស្វាយ​នាំ​ចេញ​ឱ្យគ្រប់តាម​កិច្ច​សន្យា​ ទីផ្សារ​អន្តរជាតិ​ដូចខាងលើនេះបានទេ​ ហើយថ្ងៃ​ព្រហស្បតិ៍​ទី​២៦ ខែមេសានេះ អ្នក​បញ្ជា​ទិញ​នៅប្រទេស​រុស្ស៊ី​ ដោយសារតែ​ចង់​បាន​ផ្លែស្វាយ​របស់​កម្ពុជា​យើង​ពេក​ ក៏​បាន​យល់ព្រម​ឱ្យប្រមូលយក​ផ្លែស្វាយ​ដែល​មិនបាន​វេចខ្ចប់​ ចំនួន​ 1T800 នាំចេញ​សាកល្បងឱ្យបានមុន​បំណាច់​ខែមេសា​ខាងមុខនេះ»៕