ខ្មែរយើងត្រូវការមគ្គុទ្ទេសក៍ទេសចរណ៍បន្ថែម ១ម៉ឺននាក់នៅឆ្នាំ២០២០

0
1268

ពីមួយឆ្នាំទៅមួយឆ្នាំ កំណើនភ្ញៀវ​ទេសចរ​បរទេស​ដែល​ចូលមក​ទស្សនា​កម្សាន្ត​ក្នុងប្រទេស​កម្ពុជា​កាន់ច្រើនឡើងៗគួរឲ្យគត់សម្គាល់។ កំណើនទាំងនេះបានធ្វើឱ្យ​កម្ពុ​ជាមាន​តម្រូវការ​មគ្គុទេសក៍​ទេសចរណ៍​ជាង1ម៉ឺន​នាក់​បន្ថែមទៀត​សម្រាប់​បម្រើ​ក្នុង​វិស័យនេះ។

Image result for khmer tour guide

ក្នុងឱកាស​អញ្ជើញ​ជួប​សំណេះសំណាល​ជាមួយ​សិក្ខាកាម​មគ្គុទ្ទេសក៍​ទេសចរណ៍​ថ្នាក់​តំបន់​សៀមរាប និង​តំបន់​ជុំវិញ​ជំនា​ន់ទី24 កាលពី​ចុង​សប្តាហ៍​មុន ឯកឧត្តម ថោង ខុន រដ្ឋមន្ត្រី​ក្រសួងទេសចរណ៍​បាន​លើកឡើងថា មគ្គុទ្ទេសក៍​ទេសចរណ៍​ជា​ទូត​នាំសារ​នូវ​វប្បធម៌ អរិយធម៌ និង​កិត្យានុភាព​របស់​ជាតិ​ទៅកាន់​ភ្ញៀវទេសចរ​ដោយផ្ទាល់។

ដូច្នេះមគ្គុទេ្ទសក៍ទេសចរណ៍ត្រូវចងចាំថា «អត្តសញ្ញាណ​របស់​អ្នក ជា​អនាគត​របស់​អ្នក»។ សំដៅឲ្យមគ្គុទ្ទេសក៍ទេសចរណ៍ខិតខំពង្រឹងសមត្ថភាព ចំណេះដឹង ជំនាញ ក្រមសីលធម៌វិជ្ជាជីវៈ និងមានអត្តចរិតស្លូតបូត ចូលរួមចំណែកលើកកម្ពស់អត្តសញ្ញាណជាតិ ដែលនឹងនាំមកនូវអនាគតប្រសើរដល់ប្រជាពលរដ្ឋ និងការអភិវឌ្ឍវិស័យទេសចរណ៍កម្ពុជាប្រកដោយនិរន្តរភាព និងការទទួលខុសត្រូវ។

Related image

ឯកឧត្តមបានផ្តាំផ្ញើដល់សិក្ខាកាមទាំងអស់ត្រូវខិតខំពង្រឹងសមត្ថភាពរបស់ខ្លួនបន្ថែមទៀត និងគោរពឲ្យបាននូវក្រមប្រតិបត្តិវិជ្ជាជីវៈ និងក្រមសីលធម៌វិជ្ជាជីវៈមគ្គុទ្ទេសក៍ទេសចរណ៍ នៅពេលប្រកបវិជ្ជាជីវៈមគ្គុទ្ទេសក៍ទេសចរណ៍ និងជៀសវាងឲ្យបាននូវរាល់សកម្មភាពទាំងឡាយណា ដែលប្រាស់ចាកពីសីលធម៌សង្គម និងអនុក្រឹត្យស្តីពីមគ្គុទ្ទេសក៍ទេសចរណ៍។

សូមរំលឹកថា វិស័យទេសចរណ៍កម្ពុជាបានចូលរួមចំណែកប្រមាណ ១២% នៃផលិតផលក្នុងស្រុកសរុប (GDP) និងមានការរីកចម្រើនយ៉ាងឆាប់រហ័ស ដោយនៅក្នុងឆ្នាំ២០១៧ កន្លងទៅ កម្ពុជាទទួលបានទេសចរអន្តរជាតិប្រមាណ ៥,៦លាននាក់ ក្នុងកំណើន ១១,៨%។ តាមការព្យាករណ៍ ទេសចរអន្តរជាតិប្រមាណ ៧លាននាក់ នៅឆ្នាំ២០២០ ឧស្សាហកម្មទេសចរណ៍នឹងបង្កើតឱកាសការងារផ្ទាល់ប្រមាណ ១លាននាក់ និងប្រមាណ ១,២លាននាក់ នៅឆ្នាំ២០២៥ ព្រមទាំងប្រមាណ ១,៧លាននាក់ នៅឆ្នាំ២០៣០។

Image result for khmer tour guide

បច្ចុប្បន្ន កម្ពុជាមានមគ្គុទ្ទេសក៍ទេសចរណ៍ជាង ៥.០០០នាក់ និងមានតម្រូវការប្រមាណ ១ម៉ឺននាក់ បន្ថែមទៀត ដើម្បីឆ្លើយតបនឹងកំណើនទេសចរជាង៧លាននាក់ នៅឆ្នាំ២០២០៕