ថ្ងៃ​សុក្រ​ម្សិល​ម៉ិញ​នេះ ​លោក​ឧកញ៉ា ម៉ុង ឬទ្ធី នាំស្វាយ​ទៅ​រុស្សី និង​អ៊ឺរ៉ុបទៀត​ហើយ​

0
1153

ភ្នំពេញ៖ ត្រឹម​ពាក់កណ្ដាល​ខែ​កុម្ភៈនេះ ក្រុម​ហ៊ុន​ KFI ដែលជាបុត្រសម្ព័ន្ធ របស់ក្រុមហ៊ុន ម៉ុង​ ឫទ្ធីគ្រុប បាន​ប្រមូល​ទិញ​ផ្លែស្វាយ​ពីពលរដ្ឋ​នៅ​កំពង់ស្ពឺ​ជាច្រើន​ពាន់​គីឡូក្រាម​ ដើម្បីនាំ​ចេញ​ទៅលក់​បន្តទៅ​ប្រទេស​បារាំង​ និងប្រទេស​រុស្សី។

តាម​ការ​ផ្សព្វផ្សាយ​​នៅ​លើ​គេហទំព័រហ្វេសប៊ុក ផ្លូវ​ការរបស់​លោក ឧកញ៉ា នា​ថ្ងៃសុក្រទី១៦ ខែកុម្ពៈ ឆ្នាំ​២០១៨ បាន​ឲ្យ​ដឹង​ថា ក្រុមការងារ របស់ក្រុមហ៊ុន KFI ដែលជាបុត្រសម្ព័ន្ធ របស់ក្រុមហ៊ុនម៉ុង​ ឫទ្ធីគ្រុបបានប្រមូលទិញ​ផ្លែស្វាយ​កែវរមៀត​ ពីកសិករ​ម្ចាស់ចំការ ដែលមានទីតាំង​ស្ថិតនៅ​ក្នុងស្រុកភ្នំស្រួច ខេត្ត កំពង់ស្ពឺ និង​បាន​រៀបចំវេចខ្ចប់ដើម្បីនាំចេញទៅកាន់ប្រទេសបារាំង និងបន្ដការចែកចាយទៅសហគម​អ៊ឺរ៉ុប។

សម្រាប់ជើងទី២១ ឆ្នាំ​២០១៨-២០១៩នេះ ​ទំនិញ​ទាំងអស់នេះ ​និងត្រូវបញ្ជូនតាមជើងយន្តហោះ កាតា QATAR ឆ្ពោះទៅកាន់ទីក្រុងប៉ារីស ប្រទេសបារាំង ដែលហោះ នៅម៉ោង ៦ និង៣០ នា​ទី​ល្ងាច​នេះថ្ងៃ​សុក្រ​ QR0971។

ស្វាយ​ដែល​ក្រុម​ហ៊ុន​របស់​លោកឧកញ៉ា បាន​នាំ​ចេញ​ទៅ​លើកនេះ​មាន​ចំនួន ១២ប៉ាឡែត ៨៤០​កាតុង​ ស្មើនឹងបរិមាណផ្លែស្វាយសរុប ៤៧០០គីឡូក្រាម។

បើ​តាម​ការ​បញ្ជាក់របស់​លោក​ ឧកញ៉ា សម្រាប់ជើងនេះ ក៏មានការរៀបចំវេចខ្ចប់ផ្លែស្វាយកែវរមៀត ដើម្បី​នាំចេញទៅប្រទេសរុស្សីផងដែរ។ នេះ​ក៏ជាជើងទី៤ដែរ មានចំនួន ៨៨ កញ្ច្រែង ស្មើ​នឹង​ចំនួន​ផ្លែ​ស្វាយសរុប ១២០០គីឡូក្រាម៕