Jack Ma បង្ហាញវិធីលក់ធុរ៉េន៨ម៉ឺនផ្លែក្នុង១នាទីដល់សហគ្រិនថៃ

0
1131

ភ្នំពេញ៖ នៅក្នុងវេទិកាសន្និសិទ្ធកាសែតមួយនៅទីក្រុងបាងកក កាលពីថ្ងៃព្រហស្បត៍កន្លងទៅ លោក​មហាសេដ្ឋីមានបំផុតលេខ ២ របស់ចិនគឺលោក Jack Ma បានបង្ហាញពីវិធីដែល សហគ្រិន​ថៃអាច​លក់​ធុរ៉េន​បានជាង ៨ម៉ឺនផ្លែក្នុង១នាទីប៉ុណ្ណោះ។

វិធីតែមួយគត់ដែល សហគ្រិនឬកសិករ អាចលក់ធូរ៉េនបានច្រើនបែបនេះក្នុងមួយនាទីប៉ុណ្ណោះ គឺត្រូវ​លក់​តាម​វេបសាយ ឬពាណិជ្ជកម្មអេទ្បិចត្រូនិក។ លោក Jack Ma បានបង្ហាញពីតួលេខ ដែលធុរេនរបស់ថៃ បាន​ចេញ​​លក់លើគេហទំព័រ Tmall របស់លោកកាលពីថ្ងៃពុធកន្លងទៅ។ ភ្លាមគ្រាន់តែចេញលក់ភ្លាម មានធុរេនជាង ៦មផ្លែត្រូវបានគេកក់ ហើយ ៤ម៉ឺនផ្លែត្រូវបានគេទិញ។ តួលេខនេះបានកើនដល់ជាង ៨ម៉ឺនផ្លែក្នុងរយៈពេលតែ១នាទីប៉ុណ្ណោះ។

លោកមហាសេដ្ឋី Jack Ma បានពន្យល់ទៀតថា អ្នកត្រូវលក់ទំនិញរបស់អ្នកលើទីផ្សារចិន ហើយ​ត្រូវលក់​តាម​វេបសាយ ដូចដែលផ្លែធុរេននេះបានលក់។ ចិនជាទីផ្សារធំបំផុតមួយនៅលើពិភពលោក ហើយប៉ុន្មាន​ឆ្នាំទៀត​នេះ ប្រទេសចិន នឹងមានប្រជាជនថ្នាក់កណ្តាល់ជាង ៣០០លាននាក់បន្ថែមទៀត ដែលនេះ​នឹង​ធ្វើឲ្យ​ចិនក្លាយជា អ្នកប្រើប្រាស់ ឬអ្នកទិញធំជាងគេបំផុតក្នុងលោក។ ហើយនេះហើយជាឱកាសសម្រាប់សហគ្រិន ទូទៅ​ដែ​លមានទំនិញលក់ ទំនិញដែលចិនត្រូវការ។

គួរបញ្ជាក់ថា ក្រុមហ៊ុន E-commerce យក្ស Alibaba របស់មហាសេដ្ឋី Jack Ma គ្រោងបោះ​ទុន​លើក​ដំបូង​ប្រមាណ ៣៥០ លានដុល្លារ ឬ ១១ ពាន់លានបាត វិនិយោគលើច្រកសេដ្ឋកិច្ចខាងកើតនៃប្រទេសថៃ ក្នុងគោល​បំណងផ្តួលគូប្រកួតនៅចិន JD.com និង Tencent រួមទាំងក្រុមហ៊ុនក្នុងស្រុកថៃ Tarad.com ។

ក្នុងនោះសារព័ត៌មាន Bangkok Post ឲ្យដឹងថា ការចុះអនុស្សរណៈយោគយល់គ្នារវាង Alibaba និងភាគីថៃ មានមួយផ្នែកផ្តោតសំខាន់លើការនាំចេញស្រូវអង្ករ និងផ្លែធុរ៉េនរបស់ថៃទៅ​កាន់ទីផ្សារ​ចិនតាម​រយៈ​ក្រុមហ៊ុន Alibaba៕

ប្រភព៖ Business-Cambodia