អស្ចារ្យណាស់!​ ព្រឹកមិញនេះព្រះអាទិត្យរះចំកំពូលអង្គរគ្មានខុសទេ តែមានរឿងមួយធ្វើឲ្យគ្រប់គ្នា………………..

0
837
ថតដោយ KimAn Mie

នៅ​ព្រឹក​ថ្ងៃ​ទី ២២ ខែ​មីនា នេះ​ភ្ញៀវ​ទេសចរ​រាប់​ពាន់​នាក់ បាន​ប្រជ្រៀត​គ្នា​យ៉ាង​ណែន​ណាន់​តាន់​តាប់ ស្ទះ​ពេញ​បរិវេណ​ប្រាសាទ​អង្គរ​វត្ត​តាំង​ពី​ម៉ោង​៥​ព្រឹក ដើម្បី​រង់ចាំ​បាតុភូត​ថ្ងៃ​ទី​៣ នៃ​ព្រឹត្តិការណ៍​ព្រះ​អាទិត្យ​រះ​ចំ​កំពូល​អង្គរ ដោយ​គិត​ចាប់​ពី​ថ្ងៃ​ទី​២០ មក។

មិន​ឲ្យ​ភ្ញៀវ​ទេសចរ​ខក​ចិត្ត​បាតុភូត​ដ៏​អច្ឆរិយ​នេះ ពិត​ជា​កើត​ឡើង​មែន ដោយ​ព្រះ​អាទិត្យ​ចាំ​ផ្ដើម​បញ្ចេញ​ពន្លឺ​​ចិញ្ចែងចិញ្ចាច តាំង​ពី​ម៉ោង​៥​ព្រឹក តែ​អ្វី​ដែល​ធ្វើ​ឲ្យ​គ្រប់​គ្នា​ភ្ញាក់​ផ្អើល​នោះ ទាំង​ភ្ញៀវជាតិ និង​អន្តរជាតិ នោះ​គឺ​ព្រះអាទិត្យ​ចាំ​ផ្ដើម​រំកិល​ខ្លួន​បន្តិច​ម្ដង​ៗ រហូត​ដល់​ម៉ោង​ ៦ និង​៣០​នាទី​ព្រឹក​គ្មាន​លើស​គ្មាន​ខ្វះ ទើប​ព្រះអាទិត្យ​រះ​ចំ​កំពូល​ និង​ជាប់​ប្រាសាទ​តែ​ម្ដង។ កាន់​តែ​ភ្ញាក់​ផ្អើល​លើស​នេះ​ទៀត​នោះ ភ្ញៀវ​ទេសចរ​គ្រប់​គ្នា​បាន​ផ្ទៀងផ្ទាត់​ពី​ពេល​វេលា ដែល​ព្រះអាទិត្យ​នៅ​ចំ​កំពូល​ប្រាសាទ​អង្គរ តែ​រយៈ​ពេល​១០​នាទី​ប៉ុណ្ណោះ ពោល​គឺ​ម៉ោង ៦ និង ៤០​នាទី​ព្រឹក ព្រះអាទិត្យ​ចាប់​ផ្ដើម​រំកិល​ខ្លួន​ឆ្ងាយ​ពី​បរិវេណ​អង្គរ​បន្តិច​ម្ដងៗ។

សូម​ជម្រាប​ជូន​ថា នេះ​ជា​ថ្ងៃ​ទី​៣​ហើយ ដែល​ភ្ញៀវទេសចរ​នៅ​រង់​ចាំ​ព្រឹត្តិការណ៍​ដ៏​អស្ចារ្យ​នេះ ដោយ​នៅ​ថ្ងៃ​ទី​១ ត្រូវ​នឹង​ថ្ងៃ​ទី ២០ ព្រះអាទិត្យ​រះ​នៅ​មិន​ទាន់​ចំ​ចំណុច​នៅ​ឡើយ និង​កាល​ពី​ម្សិល​មិញ​នេះ​ដោយ​សារ​មេឃ​ភ្លៀង​ក៏​អាក់​ខាន​មិន​បាន​ឃើញ។ រហូត​មក​ដល់​ថ្ងៃ​នេះ ទើប​ភ្ញៀវ​ទេសចរ​ទាំង​ឡាយ​បាន​ផ្ដិត​យក​ទិដ្ឋភាព​ដ៏​កម្រ​នេះ។

តាម​ការ​ឲ្យ​ដឹង​ពី​ក្រសួង​ទេសចរ បាតុភូត​ព្រះអាទិត្យ​រះ​ចំ​កំពូល​ប្រាសាទ​អង្គរ​វត្ត តែង​កើត​ឡើង​២​ដង​ក្នុង​មួយ​ឆ្នាំ​ដោយ​លើក​ទី​១ កើត​ឡើង​ក្នុង​ខែ​មីនា និង​លើក​ទី​២​កើត​ឡើង​ក្នុង​ខែ​កញ្ញា៕ ​