«ដីដុះ» ​តំបន់ទេសចរណ៍សក្ដានុពល​លាក់​ខ្លួន​ក្នុងទឹកដីនៃ​ខេត្ដ​ព្រៃវែង

0
2151
រមណីយដ្ឋាន​ ដីដុះ នៃ​ទឹកដីខេត្ដ​ព្រៃវែង។

ខេត្តព្រៃវែង ៖ ដីដុះ គឺជា​កន្លែង​ងូតទឹក​លេង​កំសាន្ត​មួយ​ដ៏​ពេញ​និយម​សំរាប់​ភ្ញៀវ​ទេសចរណ៍​ជាតិ និង​អន្តរជាតិ បើ​ទោះបីជា​ទីតាំង​មួយ​នេះ​នៅ​មិន​ទាន់​មានការ​រៀបចំ​ឱ្យ​បាន​សម​ស្រប និង​មិន​ទាន់​មាន​អ្នកគ្រប់គ្រង​ឱ្យ​បាន​ច្បាស់លាស់​ក៏​ដោយ។

ទី​កំសាន្ត​មួយ​នេះ​ស្ថិត​នៅ​តាម​បណ្តោយ​ដង​ទន្លេមេគង្គ ក្នុង​ឃុំ​ស្វាយ​ភ្លោះ ស្រុក​ពាម​ជរ ខេត្តព្រៃវែង ហើយ​​ក្នុង​មួយ​ថ្ងៃ​ៗ​មាន​អ្នក​មក​ងូតទឹក​លេង​កំសាន្ត​ពី​១០០​នាក់​ទៅ​២០០​នាក់​សំរាប់​ថ្ងៃ​ធម្មតា ចំណែក​​នៅ​ថ្ងៃ​បុណ្យ​ផ្សេង​ៗ​ដូ ច​ជា​បុណ្យ​ភ្ជុំ និង​បុណ្យចូលឆ្នាំ​ជាដើម​បាន​កើតឡើង​ពី ​៥០០​នាក់ ទៅ​ដល់​១.០០០​នាក់​ឯណោះ​។

ដោយ​មើលឃើញ​ពី​សក្តានុពល​ដ៏​ធំធេង​នៃ​តំបន់​ដីដុះ​មួយ​នេះ កាល​ពី​នៅ​ព្រឹក​ថ្ងៃ​ទី​១៦ កក្កដា ២០១៥ អាជ្ញាធរ​ខេត្ត ​ដែល​ដឹកនាំ​ដោយ​លោក អ៊ុំ វ​ណ្ណា អភិបាលរង​ខេត្ត បាន​ដឹកនាំ​មន្ត្រី​ជំនាញ​ពាក់​​ព​ន្ធ័​ទាំងអស់​ចុះ​ទៅ​ត្រួតពិនិត្យ​ទីតាំង​តំបន់​ដីដុះ​នេះ ដើម្បី​រៀបចំ​ផែនការ​កែ​លម្អ​តំបន់​មួយ​នេះ​ឱ្យ​ក្លាយទៅជា​តំបន់​រមណីយដ្ឋាន​ដ៏​ស្រស់​ស្អាត និង​ពេញ​និយម​សំរាប់​ខេត្តព្រៃវែង ។

លោក អ៊ុំ វណ្ណ បាន​បញ្ជាក់​ឱ្យ​អ្នក​យក​ព័ត៌មាន​ដឹង​ថា ដើម្បី​ធ្វើ​ឱ្យ​តំបន់​ដីដុះ​នេះ​ក្លាយទៅជា​រមណីយដ្ឋាន​មួយ​ដែល​មាន​ស្តង់ដា គឺ​ចាំបាច់​យើង​ត្រូវ​តែ​រៀបចំ​ឱ្យ​មាន​អ្នកគ្រប់គ្រង​មួយ​ដ៏​ច្បាស់លាស់​ជាមួយនឹង​ការ​បំពាក់​នូវ​ឧបករណ៍​មួយ​ចំនួន​ដូច​ជា ពោង​សុវត្ថិភាព ពោង​បញ្ជាក់​ពី​តំបន់​ទឹក​ជ្រៅ និង​រាក់ ខ្ចូ​ស​សំរាប់​ភ្ញៀវ​អង្គុយ​ទទួល​ទាន​អាហារ បង្គន់​អនាម័យ និង​ធុងសំរាម​ជាដើម ហើយ​ជា​ពិសេស​គឺ​ក្រុម​ជួយ​សង្គ្រោះ​នៅ​ពេល​មាន​ហេតុការណ៍​អ្វីមួយ​កើតឡើង​ ៕