រូបភាពកម្រប្រាសាទភ្នំជីសូរស្ថិត​ក្នុង​ទឹកដីខេត្ដ​តាកែវ

0
4704

តាកែវ៖ ភ្នំជីសូរ ស្ថិតនៅក្នុង ភូមិស្លា ​ឃុំ​រវៀង​ ស្រុកសំរោង ខេត្តតាកែវ មាន​ចម្ងាយ​ប្រហែល​៦២គីទ្បូ​មែត្រពីទីក្រុង​​​​ភ្នំពេញ​។

រូបភាពកម្រប្រាសាទភ្នំជីសូរស្ថិតក្នុងទឹកដីខេត្ដតាកែវ។ រូបភាព​ Sovithya Hang

គេអាចធ្វើដំណើរពីទីក្រុងភ្នំពេញ​​​ទៅកាន់ទីនោះបាន តាមផ្លូវជាតិលេខ២ កាត់តាមស្រុកបាទី និង ប្រាសាទ​នាងខ្មៅ ដោយចំណាយពេល១ម៉ោង បន្ទាប់មក បត់ចូលតាមផ្លូវលំចំងាយ​៥គីទ្បូ​មែត្រ​ពីផ្លូវ​ជាតិ។

ប្រសិនបើ​គេធ្វើដំណើរពីទីរួម ខេត្តតាកែវវិញ គេចំណាយពេលត្រឹមតែ១៥នាទី ប៉ុណ្ណោះ​ក្នុង​ចំងាយ​ផ្លួវ១៧គីទ្បូ​មែត្រ។

រូបភាពកម្រប្រាសាទភ្នំជីសូរស្ថិតក្នុងទឹកដីខេត្ដតាកែវ។ រូបភាព​ Sovithya Hang

ប្រាសាទភ្នំជីសូរបានស្ថាបនាលើខ្នងភ្នំមួយមានកំពស់ ៣៨០ម៉ែត្រ នៅដើមសតវត្សរ៍ទី១១ (១០០២-១០៥០) ដោយព្រះបាទសូរ្យវរ្ម័នទី១ សំរាប់ឧទ្ទិសដល់ព្រហ្មញ្ញសាសនា។

ប្រាសាទនេះសាងសង់អំពីថ្មភក់ និងលីប៉ូនីត មានបណ្តោយ ៦០ម និងទទឹង ៥០ម និង​មាន​ថែវ​២​ជាន់​ព័ទ្ធជុំវិញ។

ថែវទី២ មានទំហំតូចជាងថែវទី១ និងនៅចំកណ្តាល មានទីសក្តារៈមួយដែលសំខាន់ ហើយ​មាន​ទ្វារ​ឆ្លាស់​ពីរ ខាងក្នុងមានបដិមាករមួយធ្វើអំពីឈើ។

ដោយឡែកទៀត គេប្រទះឃើញក្បាច់ចំលាក់យ៉ាងល្អប្រណិតនៅក្បែរ និងសរសរពេជ្រ៕