ទេសចរ​ចិន​ដណ្តើម​ឯតទគ្គ​កម្ម​ទីផ្សារ​ទេសចរណ៍​កម្ពុជា​

0
756

ភ្នំពេញ​៖ លោក គង់ សុភា​រៈ ប្រធាន​នាយកដ្ឋាន​ផែនការ​ស្ថិតិ នៃ​ក្រសួងទេសចរណ៍​បាន​ប្រាប់​រស្មី​កម្ពុជា​ឱ្យដឹង​នៅ​ថ្ងៃទី​៣​ខែវិច្ឆិកា​ថា រយៈពេល​ប្រាំបួន​ខែ​ឆ្នាំ​២០១៧​នេះ ទេសចរ​អន្តរជាតិ​បាន​ចូលមក​កម្សាន្ត​នៅ​កម្ពុជា​បាន​ចំនួន​ជាង ៣,៩ លាន​នាក់ គឺ​កើន​បាន ១១,៥​ភាគរយ បើ​ធៀប​និង​រយៈពេល​ដូចគ្នា​ឆ្នាំ​២០១៦ ។

ក្នុងនោះ​មានតែ​ទេសចរ​ចិន​ទេ​ដែល​បាន​ដណ្តើម​ឯតទគ្គ​កម្ម​មកលើ​ទី​​ផ្សារ​ទេសចរណ៍​កម្ពុជា ច្រើន​ជាង​​គេ​ក្នុងចំណោម​ទីផ្សារ​ទេសចរណ៍ ១០ ធំៗ​មក​កម្ពុជា​។​
​ ​
​មន្ត្រី​រូបនេះ​បាន​ប្រាប់ថា ទេសចរ​ចិន​មក​កម្ពុជា​ប្រាំបួន​ខែ​នេះ​មាន​ចំនួន​ជាង ៨៤​ម៉ឺន​នាក់ គឺ​កើន​ជាង ៤០​​ភាគ​រត បើ​ធៀប​ទៅនឹង​ឆ្នាំ ២០១៦ រយៈពេល​ដូចគ្នា​។ ទេសចរ​វៀតណាម​នៅតែ​បន្ត​ធ្លាក់ចុះ​តែ​ក៏​នៅ​ជាប់​ចំណាត់ថ្នាក់​លេខ ២ បន្ទាប់ពី​ទេសចរ​ចិន ។​

អ្វីដែល​មន្ត្រី​រូបនេះ​បានកត់សំគាល់​ឃើញថា ចាប់តាំងពី​ខែមករា មកដល់​ខែកក្កដា​ទេសចរ​អន្តរជាតិ​ទាំ​អស់​​មក​កម្ពុ​ជាមាន​កំណើន​ពីរ​ខ្ទង់ ដែលជា​កំណើន​មួយ​ដែល​មិន​ធ្លាប់មាន​ពិ​មុន​មក ។​ក៏ប៉ុន្តែ​ក្នុង​ខែសីហា​​និង​ខែកញ្ញា ឃើញ​មាន​សញ្ញា​ទេសចរ​អន្តរជាតិ​មានការ​ធ្លាក់ចុះ​បន្តិច​វិញ គឺ​ស្ថិតក្នុង​កំណើន ៥​ភាគរយ​ប៉ុណ្ណោះ ។

ចំណែក​ទេសចរ​មកពី​អឺរ៉ុប សហរដ្ឋអាមេរិក និង​អូស្ត្រាលី គឺ​ស្ថិតនៅ​កំណើនថេរ មិនមាន​អ្វី​គួរ​ឱ្យកត់សម្គាល់​នោះទេ ៕​