បច្ចេកទេសតាមបែបធម្មជាតិងាយៗ ក្នុងការ​ចិញ្ចឹម​មាន់ទោរ​អោយធំធាត់បានល្អ!

0
1362

១. ការរៀបចំ​ទ្រុង​
– ត្រូវបាន​សង់​នៅ​កន្លែង​ខ្ពស់ ស្រឡះស្រឡំ​ធានា​រក្សាបាន​ភាពកក់ក្ដៅ​នា​រដូវរងារ និង​ត្រជាក់​នា រដូវក្ដៅ​
– មាន់ទោរ​អាយុ​ពី ០ ទៅ ៤ សប្ដាហ៍​ចិញ្ចឹម​នៅក្នុង​ទ្រុង​គ្រ​លំ​កម្ដៅ​
– ដង់ស៊ីតេ​ចិញ្ចឹម​ពី ១៥ ទៅ ៤០ ក្បាល​ក្នុង ១ ម៉ែត្រការ៉េ​

– ក្នុង​រយៈពេល​គ្រ​លំ​កម្ដៅ ប្រើ​ទ្រុង​គ្រ​លំ​កម្ដៅ​ដែលមាន​កំពស់​ពី ៤០ ទៅ ៥០ សង់ទីម៉ែត្រ បណ្ដោយ​ពី ១,០ ទៅ ១,២ ម៉ែត្រ ទទឹង​ពី ០,៧ ទៅ ០,៩ ម៉ែត្រ
-​ជុំវិញ​ត្រូវ​បាំង​ដោយ​ក្ដារបន្ទះ ឬ​បន្ទះ​ថែប​ដំបូល​ពីលើ​ប្រក់​ដោយ​សំណាញ់​ក្រឡា​ល្អិតៗ ចៀសវាង​កូន​មាន់​ហើរ​ចេញ​
– មាន់​មាន​អាយុ​ពី ៥ ទៅ ១២ សប្ដាហ៍​
– ដង់ស៊ីតេ​ចិញ្ចឹម​ពី ៤ ទៅ ១២ ក្បាល​ក្នុង ១ ម៉ែត្រការ៉េ​
– មាន់ទោរ​ត្រូវបាន​ចិញ្ចឹម​ព្រលែង​លើ​កម្រាល​ទ្រុង​ចាក់​បេតុង ហើយ​រោយ​អង្កាម ឬ​កំទេច​ឈើ ពីលើ​កម្រាស់​ពី ៥ ទៅ ៨ សង់ទីម៉ែត្រ មាន​កន្លែង​ចាក់​ខ្សាច់​សម្រាប់​អោយមាន់​ត្រដុះ​ខ្សាច់

(​រូបភាព​៖ អាយុ​បាន ៨ ខែ គឺ​មាន់ទោរ​អាច​ពង​បាន ។ រយៈពេល​ពង​ច្រើន​ចាប់ពី​ដើមខែ ១ ដល់ ខែ ៤ ច័ន្ទ​គតិ​)

– ធ្លា​លេង​ត្រូវបាន​បាំង​ជិត​ដោយ​សំណាញ់ ដើម្បី​រាំង​កុំអោយ​មាន់​ហើរ​ចេញ​ក្រៅ ។​
– ការធ្វើ​ទ្រុង​អោយមាន់​ពេញវ័យ​
– ចែក​ទ្រុង​ជាច្រើន​ខណ្ឌ​ផ្សេងៗ​គ្នា ដើម្បី​ងាយស្រួល​គ្រប់គ្រង និង​តាមដាន​ជំងឺ​តម្កាត់ រយៈកាល​រីកលូតលាស់ និង​ធំធាត់​នៃ​មាន់ ។​

២. ការជ្រើសរើស​បក្សី​ពូជ​

(​រូបភាព​៖​មាន់​ពេញវ័យ​ត្រូវបាន​ចិញ្ចឹម​នៅក្នុង​ទ្រុង​ធំ ហើយ​ប្រើ​ចំណី​ដែល​សម្រាប់​អោយ​បក្សី ស្រុក​)

– ជ្រើសរើស​មាន់​ណា​ដែល​រហ័សរហួន ភ្នែក​ភ្លឺ រោម​សំពោង ពោះ​សមល្មម ជើង​ថ្លោស ទម្ងន់​ពី ២០ ដល់ ២៣ ក្រាម​។​

៣. ការថែទាំ​
៣.១ ចិញ្ចឹម​កូន​មាន់ (​ដំណាក់កាល​អាយុ​ពី ១​ទៅ ៣​ខែ​)

– មាន់​ត្រូវបាន​ចិញ្ចឹម​នៅក្នុង​ទ្រុង​ធ្វើ​អំពី​សំណាញ់​លួស​ប្រហោង​

– ប្រើ​អំពូល​ភ្លើងអគ្គិសនី ដើម្បី​កំដៅ​ឲ្យ​មាន់​ដោយ​សីតុណ្ហភាព​ពី ២៥ ទៅ ២៧ អង្សា​សេ​
– នៅ​បរិវេណ​នៃ​កន្លែង​ចិញ្ចឹម​តែងតែបាន​កំចាត់​មេរោគ​តាម​កាលកំណត់​យ៉ាងហោច​ពី ១៥​ទៅ ២០​ថ្ងៃ​ម្ដង​
– ចំណី គឺ​ប្រភេទ​កន្ទក់​គ្រាប់​សម្រាប់​អោយ​កូន​មាន់​ស៊ី
– ប្រើ​ប្រភេទ​ស្នូក​ចំណី​ស្នូក​ទឹក​សមស្រប​នឹង​អាយុកាល​របស់​មាន់​
– គប្បី​ដាក់​បរិមាណ​កន្ទក់​នៅក្នុង​ទ្រុង​ធំ ប្រើ​ចំណី​ដែល​សម្រាប់​អោយ​បក្សី​ស្រុក​ពេញវ័យ​បក្សី​ពង (​កន្ទក់​សម្រាប់​មាន់​ពង​) គួបផ្សំ​នឹង​ស្រូវ​
– អត្រា​លាយ​អាស្រ័យ​ទៅតាម​រយៈ​ការរីកលូតលាស់​នៃ​មាន់​

– អាច​ប្រើ​ស្រូវ​ដល់ ៦០% នៅក្នុង​របប​ចំណី​
– ក្រៅពីនោះ ត្រូវ​គួបផ្សំ​ឲ្យ​ស៊ី​បន្ថែម​នូវ​ត្រកួន ទងដំឡូង​ជ្វា តួ​ដើម​ចេក​ហាន់​តូចៗ ។​ល​។

៤. ការធ្វើ​អានា​ម័​យ​បង្ការ​ជំងឺ​
– ឧស្សាហ៍​ធ្វើ​អនាម័យ​ទ្រុង​ចិញ្ចឹម​អោយ​ស្អាតបាត កាប់ឆ្ការ​គុម្ពោតឈើ កាយ​បង្ហូត​លូ ចង្អូរ​ជុំវិញ​ទ្រុង​ចិញ្ចឹម​បាញ់ថ្នាំ​សម្លាប់​មេរោគ​កំចាត់​ជាតិពុល​តាម​កាល​កំណត់

– ចាក់​វ៉ាក់សាំង​បង្ការ​តាម​កាលកំណត់​ចំពោះ​ជំងឺ​មួយចំនួន​ដែល​ច្រើនតែ​ប្រទះ​ដូចជា​: Newcaste គ្រុនផ្ដាសាយ​បក្សី​ជាដើម ។​
– កំចាត់​ប្រភេទ​សត្វ​ករ​កេរ បក្សី​ព្រៃ និង​សត្វ​ល្អិ ចង្រៃ​គ្រប់​ប្រភេទ​តាម​កាលកំណត់ ៕ ប្រភព : អ៊ាង សុផល្លែត