ដើម​ត្នោត​ចំនួន ៥២៥២​ដើម គ្រង​ដាក់ដាំនៅ​ក្នុង​ស្រុក​ស្រីសន្ធរ ខេត្ត​កំពង់ចាម

0
2588

ខេត្ត​កំពង់ចាម៖ ពិតជាអស្ចារ្យណាស់អាជ្ញាធរ​ខេត្ត​កំពង់ចាម ដោយ​មាន​ការ​គាំទ្រ​ពី​ក្រសួង​ធនធាន​ទឹក និង​ឧតុនិយម បាន​រៀបចំ​គម្រោង​ដាំដើម​ត្នោត​ចំនួន ៥២៥២​ដើម នៅ​តាម​ជើង​ទំនប់​បឹង​វាម ស្ថិត​នៅ​ក្នុង​ស្រុក​ស្រីសន្ធរ ខេត្ត​កំពង់ចាម។​

លោក គួច ចំរើន អភិបាល​ខេត្ត​កំពង់ចាម បាន​ឲ្យ​ដឹង​កាល​ពី​ថ្ងៃ​ទី​២២​កុម្ភៈ​ថា ការ​ដាំ​គ្រាប់​ត្នោត​នេះ​នឹង​កំណត់​យក​ថ្ងៃ​ទី​១៨ ខែ​មីនា ឆ្នាំ​២០១៨​ខាង​មុខ។ ពាក់ព័ន្ធ​នឹង​គម្រោង​នេះ​ដែរ លោក លឹម គានហោ រដ្ឋមន្ត្រី​ក្រសួង​ធនធាន​ទឹក បាន​សម្ដែង​ការ​គាំទ្រ ហើយ​នឹង​ចាត់​មន្ត្រី​បច្ចេកទេស​ចុះ​សិក្សា និង​រៀបចំ​ដាំដុះ​ត្នោត​ជូន ដើម្បី​ជៀសវាង​ផល​ប៉ះពាល់​ពេល​ធ្វើ​ការ​ថែទាំ ឬ​ជួសជុល​ទំនប់​នា​ពេល​ខាង​មុខ៕