កម្ពុជាមាន «សត្វទោចថ្ពាល់លឿង»ច្រើនជាងគេបំផុតនៅលើពិភពលោក

0
849

ភ្នំពេញ៖ វត្តមានទោចផ្ពាល់លឿងមានវត្តមាននៅកម្ពុជាច្រើនជាងគេបំផុតនៅលើពិភពលោក។ នេះ​បើ​យោង​តាម ​របាយ​​ការណ៍នៃការស្រាវជ្រាវរបស់WWF។
«សត្វទោចថ្ពាល់លឿង» វាជាប្រភេទពួកពាននរ​ដែល​ត្រូវដាក់​បញ្ចូល​ក្នុង​បញ្ជី​ក្រហម​នៃអង្គ​ការ IUCN ជាប្រភេទកំពុងរងគ្រោះថ្នាក់ ហើយ​កំពុង​ប្រឈម​ទៅនឹង​ការប្រមាញ់​សម្រាប់​លក់​ដូរ​ជា​សត្វ​ចិញ្ចឹម​ និងការបាត់បង់ទីជម្រក។

អង្គការសហភាពអន្តរជាតិអភិរក្សធនធានធម្មជាតិ (IUCN) បានបញ្ជាក់ថា ទោចថ្ពាល់​លឿង គឺជា​ប្រភេទ​សត្វទោចដែលមានដើមកំណើតនៅប្រទេសកម្ពុជា វៀតណាម និង​ឡាវ ហើយ​វា​រស់​នៅ​ក្នុង​ព្រៃ​ត្រូពិច ស្វែងរកផ្លែឈើជាចំណីអាហារ ប្រើប្រាស់ដៃដ៏វែងៗ របស់វាដើម្បីចាប់តោង និង​ឆ្លង​ពីដើមឈើមួយទៅដើមឈើមួយ។

សត្វទោចថ្ពាល់លឿងនេះ រស់នៅក្នុងដែនជម្រកសត្វព្រៃភ្នំព្រេច ដែន​ជម្រក​សត្វ​ព្រៃ​កែវ​សីមា​ដែល​ជា​តំបន់ខ្ពស់រាបភាគខាងកើតនៃខេត្តមណ្ឌលគីរី និងនៅសៀមប៉ាងខេត្តស្ទឹងត្រែង។

បើទោះបីជា WWF Cambodia អះអាងថាកម្ពុជាមានទោចថ្ពាល់លឿងច្រើនជាងគេបំផុត​លើ​ពិភព​លោក​មែន​ប៉ុន្តែអង្គការ​ជំនាញ​សត្វ​ព្រៃ​មួយ​នេះ​មិន​បាន​បញ្ជាក់​ពីចំនួន​ដែល​កំពុង​រស់​នៅ​កម្ពុជា​នោះ​ទេ​៕ 

ប្រភពរូបភាព៖ WWF Cambodia