ប្រជាកសិករក្នុងឃុំអន្លង់វិលលែងបារម្ភពីការខ្វះខាតទឹកស្រោចស្រពស្រែស្រូវទៀតហើយ

0
848

ភ្នំពេញៈ ផ្ទៃដីដំណាំស្រូវប្រមាណ ១.៧០០ ហិកតា នៅក្នុងឃុំអន្លង់វិល ស្រុកសង្កែ ខេត្តបាត់ដំបង នឹង ទទួល​​បានទឹកស្រោចស្រពគ្រប់គ្រាន់ នៅពេលប្រឡាយមេ ពុកឆ្មា ត្រូវបានក្រសួងធនធានទឹក និង​ឧតុ​និយម ធ្វើការស្តារឡើងវិញរួច ។

ប្រឡាយមេនេះ នឹងដើរតួនាទីជាប្រឡាយនាំទឹកបន្តពីប្រឡាយមេកង្ហត ទៅ​ផ្គត់​ផ្គង់​ឱ្យការ​ងារ​បង្កបង្កើន​ផលលើផ្ទៃដីស្រូវវស្សា ចំនួន ១.៥៣៦ ហិកតា និងស្រូវប្រាំង ចំនួន ១៥៥ ហិកតា ។

ការស្តារឡើងវិញប្រឡាយមេ ពុកឆ្មា គឺមានប្រវែង ៩.៧០០ ម៉ែត្រ និង​មាន​បំពាក់​នូវ​សំណង់​សិល្ប​ការ​ សរុបចំនួន ២០ កន្លែង ៕