សម្រស់ធម្មជាតិ​ដ៏​ស្រស់ស្អាត​សំងំ​លាក់ខ្លួន​ក្នុង​ដែនជម្រកសត្វព្រៃ​ភ្នំ​ណា​ម​លៀរ

0
1169

មណ្ឌលគិរី ៖ ទេសភាព​ទឹកធ្លាក់​ធម្មជាតិ​ដ៏​ស្រស់ស្អាត​ដែល​សំងំ​លាក់ខ្លួន​នៅក្នុង​ដែនជម្រកសត្វព្រៃ​ភ្នំ​ណា​ម​លៀរ កំពុង​ទាក់ទាញ​អារម្មណ៍​អ្នក​ស្រលាញ់​បរិស្ថាន​ធម្មជាតិ​ចូលទៅ​កម្សាន្ត។

មិន​មើលរំលង…!!!! ទេសភាព​ធម្មជាតិ​ដ៏​មាន​សក្ដានុពល និង​ស្រស់ស្អាត​នេះ​ត្រូវបាន ឯកឧត្តម រ័ត្ន វិ​រៈ អនុរដ្ឋលេខាធិការ​ក្រសួងបរិស្ថាន កាលពី​រសៀល​ថ្ងៃទី១៦ ខែមករា ឆ្នាំ២០១៩ ក្នុង​ដំណើរ​ដោយ​ថ្មើរជើង​ឆ្លងកាត់​តំបន់​ទេសភាព​ធម្មជាតិ និង​ទឹកអូរ ឯកឧត្តម រ័ត្ន វិ​រៈ បានរួម​ដំណើរ​ជាមួយ​មន្ត្រី​ឧ​ទ្យា​នុ​រក្ស និង​ពិសា​អាហារ​សាមគ្គី ដែល​មើលទៅ​គួរ​ឲ្យ​ស្និទ្ធស្នាល​បំផុត។

លោក ​វុ​ធ សា​រុំ នាយក​ដែនជម្រកសត្វព្រៃ​ភ្នំ​ណា​ម​លៀរ បាន​ឲ្យ​ដឹងថា ទឹកធ្លាក់​នេះ​ត្រូវបាន​គេ​ហៅ​ឈ្មោះថា «ទឹកធ្លាក់​អូរ​រនៀល» ឋិត​ក្នុងភូមិ​ពូ​ឆប ឃុំ​ដាក់​ដាំ ស្រុក​អូររាំង ខេត្តមណ្ឌលគិរី នៃ​ដែនជម្រកសត្វព្រៃ​ភ្នំ​ណា​ម​លៀរ។

លោកនាយក​ដែន​បាន​ឲ្យ​ដឹង​ទៀតថា ទឹកធ្លាក់​នេះ​មាន​ចម្ងាយ​ប្រមាណ​ជា 25 គីឡូម៉ែត្រ ពី​រង្វង់​មូល​គោព្រៃ ហើយ​ត្រូវ​បើកបរ​ម៉ូតូ និង​ដើរ​ដោយ​ថ្មើរ​ជើងមាន​ចម្ងាយ​សរុប​ប្រមាណ​ជា 10 គីឡូម៉ែត្រ​ទៀត​ទើប​ទៅដល់​ចំណុច​ទឹកធ្លាក់​នេះ។

លោកនាយក​ដែនជម្រកសត្វព្រៃ​ភ្នំ​ណា​ម​លៀរ បញ្ជាក់ថា ទឹកធ្លាក់​នេះ មន្ត្រី​ឧ​ទ្យា​នុ​រក្ស​បាន​ដើរល្បាត​ហើយ​ឃើញថា ជា​តំបន់​ទេសភាព​ដ៏​ស្រស់ស្អាត​គួរ​ឲ្យ​ចង់​គយគន់ និង​ជា​តំបន់​ដែលមាន​សក្ដានុពល​ទេសចរណ៍​ធម្មជាតិ៕