​ចិនចង់ទិញកសិផល ៥ប្រភេទពីខ្មែរ ផ្តត់ផ្តង់តម្រូវការទីផ្សាររបស់ខ្លួន

0
1833

(ភំ្នពេញ) ៖ ប្រតិភូខេត្តក្វាងស៊ី នៃសាធារណរដ្ឋប្រជាមានិតចិន បាននឹងកំពុងត្រៀមខ្លួន​ ធ្វើការនាំចេញកសិផល៥ប្រភេទ រួមមាន ផ្លែស្វាយ ស្វាយចន្ទី មៀន ម្រេច និងទឹកមាត់ត្រចៀកកាំ ចូលទៅកាន់ទីផ្សារប្រទេសចិនឲ្យបាន នាពេលខាងមុខនេះ។

ការ​លើកឡើង​របស់​ភាគី​ចិន​នេះ ត្រូវ​បាន​ធ្វើឡើង​នៅ​ក្នុង​ជំនួប​ពិភាក្សា​រវាង​ ឯកឧត្តម ស៊ាង ថៃ អគ្គនាយកជំរុញពាណិជ្ជកម្ម ក្រសួងពាណិជ្ជកម្ម និង លោក Liang Yi អគ្គនាយករងនៃភ្នាក់ងារជំរុញការវិនិយោគខេត្តក្វាងស៊ី កាលពីពេលថ្មីៗនេះ នៅ​ទីស្តីការ​ក្រសួង​ពាណិជ្ជកម្ម​។

Image result for longan

លោក Liang Yi បានឱ្យដឹងថា លោក ​នឹង​រាយការណ៍​ទៅ​មន្រ្តី​ និង​អាជ្ញាធរ​ចិន​ពាក់ព័ន្ធ​ដើម្បី​ចូលរួម​ដោះស្រាយ​ឱ្យកម្ពុជា​អាច​នាំ​ផលិតផល​ស្វាយ ស្វាយចន្ទី មៀន និង​ម្រេច ចូល​ប្រទេស​ចិន​បាន។ ដោយឡែក ចំពោះ​ផលិតផល​ទឹក​មាត់​ត្រចៀក​កាំ​វិញ ភាគី​ចិន នឹង​សហការ​ជាមួយ​ប្រទេស​ម៉ាឡេស៊ី បង្កើត​ជា​ក្រុម​ជំនាញ​មួយ ដើម្បី​ជួយ​សម្រប​សម្រួល​យ៉ាង​ណា​ឱ្យកម្ពុជា​អាច​នាំចេញ​ទឹកមាត់​ត្រចៀក​កាំ​ ទៅ​កាន់​ប្រទេស​ចិន​បាន​ដូច​ប្រទេស​ម៉ាឡេស៊ី​ដែរ​។

Image result for pepper

ជាចុងក្រោយ លោកបន្ថែមថា នៅកម្ពុជាមានក្រុមហ៊ុនមកពីខេត្តក្វាងស៊ីជាច្រើន បាននឹងកំពុងធ្វើប្រតិបត្តិការអាជីវកម្ម ហើយនៅថ្ងៃខាងមុខ លោក នឹងខិតខំកៀងគរវិនិយោគិនខេត្តក្វាងស៊ី ឲ្យចូលមកបណ្តាក់ទុនថែមទៀតនៅកម្ពុជា ដើម្បីឈានទៅសម្រេចគោលដៅយុទ្ធសាស្ត្រផ្លូវមួយ ខ្សែក្រវាត់មួយ ដែលផ្តួចផ្តើមដោយប្រធានាធិបតីចិន លោក ស៊ី ជិនពីង។

ជាក់ស្តែង មានក្រុមហ៊ុនមកពីខេត្តក្វាងស៊ីដ៏ធំមួយ កំពុងបោះទុនវិនិយោគលើកំពង់ផែក្រុងព្រះសីហនុ ប្របើសិនជាគម្រោងនេះ ទទួលបានជោគជ័យ កម្ពុជាអាចដឹកជញ្ជូនទំនិញតាមផ្លូវទឹកត្រង់ទៅប្រទេសចិនតែម្តង។

 

គូសបញ្ជាក់ផងដែរថា នៅកម្ពុជាបច្ចុប្បន្ន ត្រូវបានអនុញ្ញាតិឲ្យនាំចេញកសិផលទៅកាន់ប្រទេសចិន គឺមានត្រឹមតែ អង្ករ ដំឡូងមី និងពោតតែប៉ុណ្ណោះ៕