យុវជន​ថ្នាក់​ទី​១១​នៅ​ខេត្ដ​សៀមរាប​ សង់​ប្រាសាទ​អង្គរ​វត្ដ​​ពី​ផេះ​ចង្ក្រាន​ ពិតជាមាន​ភាព​ស្រស់ស្អាតមែន!

0
1811

សៀមរាប ​៖ រូប​សិប្បនិមិត្ដ​នៃ​ប្រាសាទ​អង្គរ​វត្ដ​ ត្រូវ​បាន​សិស្ស​សាលា​មួយ​រូប​នៅ​ភូមិ​សំរោង ​ឃុំ​លាង​ដៃ ​ស្រុក​អង្គរធំ​ ខេត្ដ​សៀមរាប​ ច្នៃ​ប្រឌិត​សាង​សង់​ប្រាសាទ​អង្គរវត្ដ ​ពី​កំទេច​ផេះ​ចង្ក្រាន​ ដោយ​មាន​ភាព​ស្រស់ស្អាត​ និង​មាន​រូប​ភាព​ពិត​ៗ​ដូច​ប្រាសាទ​អង្គរ​វត្ដ​។​

យុវជនរូ​ប​នោះ​ មា​ន​ឈ្មោះថា​ ព្រេស ​ប្រាណ ​អាយុ​១៨​ឆ្នាំ ​ជា​សិស្ស​រៀន​ថ្នាក់​ទី​១១​ នៃ​វិទ្យាល័យ​សម្ដេច​តេជោ ​ហ៊ុន ​សែន ​នគរធំ ​ស្រុក​នគរធំ​ ខេត្ដ​សៀមរាប ​។ ​យុវសិស្ស​រូប​នេះ​បាន​អោយ​ដឹង​ថា ​ការ​សង់​រូប​និមិត្ដ​សញ្ញា​ប្រាសាទ​អង្គរ​ពី​ផេះ​ចង្រ្ដាន​នេះ​ ដោយ​សារ​ប្អូន​ប្រុស​រូប​នេះ​ស្រាលាញ់​ប្រាសាទ​បុរាណ​ និង​ចង់ខ្លួន​ក្លាយ​ជា​ស្ថាបយ្យកម្ម​ដ៏​ល្បី​ម្នាក់​នៅពេល​អនាគត ។

បើ​តាម​ការ​រៀប​រាប់​របស់​យុវសិស្សរូ​ប​​នោះបាន​អោយ​ដឹង​ ដោយ​សារ​តែ​រូប​គេ​មាន​ឧបនិស្ស័យ ​និង​មាន​ដុងពី​កំណើត ​ក៏​ចាប់​មាន​គំនិ​ត​ច្នៃ​ប្រឌិត​គូរ​គំនូរ​ប្រាសាទ​អង្គរ​តាំង​ពី​នៅ​តូច ​ប៉ុន្ដែ​ចេះ​ធ្វើ​រូប​ប្រាសាទ​អង្គរ​វ​ត្ដសិប្បនិមិត្ដ​នេះ​ ចាប់​ផ្ដើម​កាល​រូប​គាត់​រៀ​ន​នៅ​ថ្នាក់​៦ ​ប៉ុន្ដែ​កាល​ណោះ ​ធ្វើឡើង​ដោយ​ដី​ខ្សាច់​ និង​មិន​បាន​ជាប់​ដូច​ផេះ​ចង្ក្រាន​នោះ​ទេ។​ យុវសិស្ស​រូប​នោះ ​បាន​បន្ដ​ទៀត​ថា ​សំណង់ប្រា​សាទ​អង្គរ​វត្ដ​សិប្បនិមិត្ដ​ពីផេះនេះ ​បាន​ធ្វើ​ឡើង​នៅ​ឆ្នាំ​២០១៧ ​ដោយ​ចំណាយ​ពេល​ត្រឹម​មួយ​ខែ​ប៉ុណ្ណោះ ​ដែល​មក​ដល់​ពេល​នេះ​បាន​ថែ​រក្សា​ទុក​បាន​រយៈ​ពេល​១​ឆ្នាំ​មក​ហើយ​ និង​បាន​ធ្វើ​បន្ថែម​ទៀត​បាន​ចំនួន​៣​ទៀត​ និង​មួយ​កំពុង​សាង​សង់​។ យុវជន​ ព្រេស ​ប្រាណ ​បាន​បន្ដ​ថា​ ការ​យក​ផេះច្នៃ​ប្រឌិត​សំណង់​បុរាណ​នេះ​ ដោយ​សារ​សារធាតុ​ផេះ​លាយ​ទឹក​ មាន​លក្ខ​ណៈ​ពណ៌ដូ​ច​ថ្ម​ប្រាសាទ​ និង​ស្អិត​ដូច​ស៊ី​ម៉ង​ ទើប​រូប​គេ​ច្នៃ​ប្រឌិត​ឡើង​តែម្ដង​ ប៉ុន្ដែ​មិន​បាន​រៀន​សូត្រ​ពី​គ្រូ​ជំនាញ ​ផ្នែក​ស្ថាបត្យករ​ណា​ម្នាក់​នោះ​ឡើយ​ ដោយ​ប្អូន​ថា ​បាន​បង្កើត​គំនិត​ខ្លួនឯង​ ក្រោយ​ពី​រូប​គេ​បាន​ទៅសិ​ក្សា​ពី​ប្រាសាទ​អង្គរ​វត្ដ​តែ​ម្ដង​គត់​ ។​ យុវជន​រូប​នោះ ​បាន​បន្ថែម​ទៀត​ថា​ បើទោះ​ជា​រូប​សិប្បនិមិត្ដ​នេះ ​មិន​បាន​ល្អ​ និង​ដូច​ប្រាសាទ​អង្គរវត្ដ​១០០%​ក្ដី ​ប៉ុន្ដែ​រូប​គេ​ស្រលាញ់ ​និង​ចាត់​ទុក​ជា​ស្នារ​ដៃ​មួយ​សម្រាប់​យុវជន​វ័យ​១៨​ឆ្នាំ ​ព្រម​ទាំង​រក្សា​ទុក​អោយ​យុវជន​ទស្សនា​ពី​ស្នារដៃ​របស់​ប្អូន​ផង​ដែរ​៕​