កោះកុង

ខេត្តកោះកុង មានតំបន់សក្តានុពលជាច្រើនចាំស្វាគមន៍ភ្ញៀវទេសចរមកលេងកម្សាន្ត

MC៖ ប្រធានមន្ទីរទេសចរណ៍ខេត្តកោះកុង បានបញ្ជាក់ថាខេត្តកោះកុងមានតំបន់សក្តានុពលជាច្រើន ចាំស្វាគមន៍ដល់ភ្ញៀវទេសចរមកលេងកម្សាន្ត   ដើម្បីស្រូបយកខ្យល់អាកាសល្អបរិសុទ្ធនិងភាពសប្បាយ រីករាយជាមួយនឹងសម្រស់ធម្មជាតិដ៏ស្រស់បំព្រងខៀវ ស្រងាត់។ លោក សុខ ចន្ទគ្រឹះស្នា ប្រធានមន្ទីរទេសចរណ៍ខេត្ត កោះកុងបានឱ្យដឹងថា ខេត្ត កោះកុង ជាខេត្តមួយដែលសម្បូរទៅដោយរមណីយដ្ឋានជាច្រើន សម្រាប់ទាក់ទាញភ្ញៀវទេសចរ ដែលមកលេងកម្សាន្តមិនចាញ់បណ្តាខេត្តដទៃនោះឡើយ។ លោកបានបន្តថា បច្ចុប្បន្ននេះ លោកកត់សម្គាល់ឃើញថា មានភ្ញៀវទេសចរបានមកលេងកម្សាន្ត តាមបណ្តារមណីយ ដ្ឋានជាបន្តបន្ទាប់ គឺមានលក្ខណៈល្អប្រសើរជាងមុន ដោយសារតែមានការបើកឱ្យដំណើរការឡើងវិញ...

ចេតិយឃុនឆាងឃុនផែនក្នុងខេត្តកោះកុងជាទីសក្ការៈបូជាដ៏ស័ក្តិសិទ្ធិសម្រាប់ភ្ញៀវទេសចរទៅលេងកម្សាន្ត

កោះកុង៖ រមណីយដ្ឋានវប្បធម៌ប្រវត្តិសាស្រ្តចេតិយឃុនឆាងឃុនផែនក្នុងខេត្តកោះកុង គឺជាទីសក្ការៈបូជាដ៏ស័ក្តិសិទ្ធសម្រាប់ភ្ញៀវទេសចរដើម្បីទស្សនា និងបន់ស្រន់សុំសេចក្តីសុខទៅតាមបំណងប្រាថ្នានូវអ្វីដែលចង់បាន។ លោក សាគុណ ភក្តី អនុប្រធានការិយាល័យព័ត៌មានទេសចរណ៍នៃមន្ទីរទេសចរណ៍ខេត្តកោះកុង បានមានប្រសាសន៍ថា ចេតិយនេះ មានកម្ពស់ជាង៤ម៉ែត្រ ស្ថិតលើផែថ្មប៉ប្រះទឹកមិនត្រឹមតែជាបូជនីយដ្ឋាននៃអ្នកក្នុងខេត្តប៉ុណ្ណោះទេ ថែមទាំងជាកន្លែងដែលភ្ញៀវទេសចរនៅតាមបណ្តាខេត្តផ្សេងៗ ចង់ដឹង និងចង់ស្គាល់ជាពិសេសទៅបន់ស្រន់នៅពេលបានធ្វើដំណើរឆ្លងកាត់ខេត្តកោះកុងនេះ។ លោកបន្តថា ចេតិយឃុនឆាងឃុនផែននេះ មានចំងាយ១១៧ម៉ែត្រពីត្រើយខាងលិចនៃដៃសមុទ្រ ដែលចេញពីត្រើយខាងលិច រំលេចនូវដើមកោងកាងដុះអែបមាត់ ច្រាំង ហើយមានស្ពានបេតុងមួយខ្សែអូសកាត់ទឹកសមុទ្រ សម្រាប់ចម្លងភ្ញៀវទេសចរ ទៅទស្សនាចេតិយបុរាណមួយនេះ គ្រប់ពេលគ្រប់វេលា ដោយគ្មានការនឿយណាយ...

កោះកុង នឹងមានរមណីយដ្ឋាន​ទេសចរណ៍​ធម្មជាតិ​ខ្នាតតូចច្រើនកន្លែងបន្ថែមទៀត

ខេត្តកោះកុង​អាច​នឹងមាន​រមណីយដ្ឋាន​ធម្មជាតិ​ទេសចរណ៍​ខ្នាតតូច​ចំនួន ៧ ថ្មី​បន្ថែមទៀត​ ដើម្បីស្វាគមន៍​ភ្ញៀវទេសចរ​ជាតិ​ និង​អន្តរជាតិ ដែល​គ្រោង​នឹង​បើក​ដំណើរការ​នៅពេល​ខាងមុខនេះ​។ នេះ​បើ​យោងតាម​ប្រធាន​មន្ទីរ​បរិស្ថាន​ខេត្តកោះកុង​។ គម្រោង​វិនិយោគ​ទេសចរណ៍ធម្មជាតិ​ខ្នាតតូច​ចំនួន ៧ ក្នុង​ខេត្តកោះកុង ត្រូវបាន​មន្ត្រី​ជំនាញ​ក្រសួងបរិស្ថាន និង​អាជ្ញាធរ​ខេត្ត​ចុះ​ទៅ​ពិនិត្យ​នៅ​ទីតាំង​ផ្ទាល់ មុន​នឹង​ឈាន​ឆ្ពោះទៅ​ការវិនិយោគ​នៅពេល​ខាងមុខ​។ គម្រោង​ទាំងនេះ​មាន​ទីតាំង​ស្ថិតក្នុង​ស្រុក​បទុមសាគរ និង​ស្រុក​មណ្ឌលសីមា​។ សក្តានុពល​ទីតាំង​ភូមិសាស្ត្រ​នៅជាប់​មាត់សមុទ្រ និង​មាន​ធនធានធម្មជាតិ​ចម្រុះ​សម្បូរ​បែប​ បានធ្វើ​ឱ្យ​ខេត្តកោះកុង​ទាក់ទាញ​បាន​គម្រោង​វិនិយោគ​លើ​គ្រប់​វិស័យ​ជា​បន្តបន្ទាប់។ ខេត្តកោះកុង គឺជា​ប្រជុំ​នៃ​អេកូទេសចរណ៍ ហេតុនេះ​កំណើន​នៃ​ការស្នើសុំ​វិនិយោគ​បែបនេះ​បាន​កើនឡើង​បន្តបន្ទាប់​ ហើយគម្រោង​ទាំង​ ៧ នេះ គឺ​សុទ្ធតែ​ជា​ការវិនិយោគ​ក្នុងស្រុក​ទាំងអស់​៕

សម្រស់ទឹកធ្លាក់ឆាយយោង ជាគោលដៅទេសចរណ៍បែបផ្សងព្រេងដ៏ទាក់ទាញ

កោះកុង៖ រមណីយដ្ឋានទឹកធ្លាក់ឆាយយោង ស្ថិតនៅក្នុងខេត្តកោះកុង បានក្លាយជាគោលដៅទេសចរណ៍បែបផ្សងព្រេង ដ៏គួរឱ្យទាក់ទាញ សម្រាប់ភ្ញៀវទេសចរជាតិ និងអន្តរជាតិ។ លោក សាគុណ ភក្តី អនុប្រធានការិយាល័យព័ត៌មានទេសចរណ៍នៃមន្ទីរទេសចរណ៍ខេត្តកោះកុង បានឱ្យដឹងថា តំបន់ទេសចរណ៍ឆាយយោងនេះ គឺហ៊ុំព័ទ្ធទៅដោយធម្មជាតិបៃតង និងមានជួរភ្នំ ជ្រលងដងអូរជាច្រើន ពិសេសសម្បូរទៅ ដោយសត្វព្រៃជីវចម្រុះគ្រប់ប្រភេទ ដែលបានផ្តល់ភាពទាក់ទាញបែបធម្មជាតិ ធ្វើឱ្យភ្ញៀវទេសចរមកលេងកម្សាន្ត ជាហូរហែ មិនចេះដាច់។ កន្លែងនេះក៏មានទឹកធ្លាក់ពីលើភ្នំ មានកម្ពស់រហូតជាង ៤៥ម៉ែត្រ...

អត្ថបទពេញនិយម

វីដេអូល្បីៗ